香港美食 - 九龍城

 這個旅遊BLOG, 因為疫情, 已經好耐無Update, 突然好想介紹香港美食

今次介紹九龍城隱世或性價比高嘅美食

1) 豪華餅店
相信好多香港人都認識這間老字餅店, 1977開業至今, 裝修都沒有改變過.

酥皮蛋撻

佢哋最出名的一定係酥皮蛋撻 - 酥皮好脆口, 蛋漿夠滑, 唔甜, 對唔喜歡太甜的人, 豪華餅店一定是首選. (我當日晚上8時買的, 人就唔多, 還有點冷清清嘅感覺, 但個蛋撻還是暖笠笠的, 正)

班蘭蛋卷 - 略甜, 班蘭味不重, 價錢偏貴.

三角朱古力蛋糕 - 朱古力味道濃郁, 但蛋糕質感一般, 略為硬身, 只是食懷舊味道

2) Very Good Eat

是一間小食店, 最出名是腸粉

l

超滑腸粉

腸粉不算好滑, 但加上店主自製麻醬, 人人大讚不絕, 配埋豉油及芝麻, 好香, 正！

豬皮鴨血

招牌鴨血是細細件的, 夾落去不會散, 但食落又唔會硬, 反而好諗, 加上麻辣 (只選擇小辣), 好香；而豬皮就一般.

3) 清真牛肉館

其實這間不需要多講, 佢個牛肉包餅係街知巷聞

牛肉餅

大大一個, 皮薄但仍煎得脆脆, 滿滿嘅牛肉餡, 食時要小心咬開, 因超多嘅湯汁會爆出來, 肉嘅鮮香味十足, 一試難忘, 相信是全港最好味嘅牛肉餅.

4) 酥妃皇后

以全人手製作酥皮蛋撻作為主打的餅店, 招牌菜係368層酥皮蛋撻, 觧奶撻, 及原味軟心芝士撻

款式多

鮮奶撻

酥皮不及豪華餅店的酥化, 蛋香味比較淡, 但多了一份奶香味, 都唔錯.

原味軟心芝士撻

脹卜卜的外型好吸引, 撻皮鬆化, 好濃芝士香味, 但無蓋過牛油味, 加上流心, 是另一層次, 推薦!

杏仁酥

好酥脆, 甜到剛好, 值得推薦!

5) 義香荳腐食品

傳統港式豆腐舖, 佢咃仍用柴火爐, 石磨製作, 所以豆品會留有微微的焦香

凍豆腐花

招牌食物-豆腐堅滑, 豆味香濃, 黃糖按自己喜歡嘅甜度去加, 好食過超市買嘅好多, 性價比極高.

炸豆腐及煎釀茄子

大大件, 即叫即煎, 好新鲜, 魚肉算煙靭, 又平, 食完飽咗, 性價比極高.

6) 古珐蛋糕

標明零香精, 零色素, 零防腐劑, 而且蛋糕冷藏後可保存3日.

朱古力蛋糕

蛋糕好鬆軟, 朱古力味不算濃, 不過有溶溶哋嘅朱古力粒, 增加了口感, 蛋味好香, 不甜, 感覺上食多D都可以, 好出色！

7) 等等HEA

正宗地道台灣菜, 見到D食物, 有去咗台灣嘅感覺, 好懷念!
大腸包小腸

好有台灣夜市的味道, 小腸好味, 大腸係糯米, 因小腸比較鹹, 配合糯米, 中和了鹹味！

阿等麵線

等於阿宗麵線, 加蚵仔, 蚵仔好大粒, 麵線幼細, OK.

草莓沙冰 - 略點

其他：

樂園  - 九龍城 

其實這間已超出名, 位於九龍城熟食中心, 佢哋招牌菜係沙嗲牛肉西多士, 奶茶紅豆冰.