香港美食 - 土瓜灣 Part 2

土瓜灣隱世或性價比高嘅美食 Part 2

日昇小食

韮菜餅

我是一個不喜歡韮菜的人, 因見好多人讚好, 盡管一試.

這份韮菜餅是即叫即煎的, 煎得極其脆口, 韮菜加上肉, 好足料, 飽滿, 爆肉汁, 韮菜無平時的怪味, 反而加沒添了肉汁香味, 非常正, 又是一試難忘, 個人覺得達到世界級水準, 一改我對韮菜的厭惡感.

日昇嘅炸燒賣和芫茜餅一樣好出色, 特別是芫茜餅,下午已沽清, 想食就要早一點

甘露甜品

又一間由細食到大, 與老闆娘有講有笑. 是很有人情味的小店, 而糖水當然是高實, 超正la!

綠豆沙真係好沙, 入口重海帶味, 甜度適中, 如果再加湯圓, 必是最完美的.

除了食糖水, 一定會食小食, 尤其是魚蛋, 除了因為佢細細粒, 結結實實, 不像出面的"成件粉"感覺外, 佢嘅自製沙嗲醬, 好好味, 出面買唔倒.

喜歡佢嘅自製沙嗲醬的話, 還可買回家慢慢享有

信興隆食品

賣舊式糕點的店鋪, 有可能是全香港最出名賣砵仔糕的小店, 亦是批發商.

砵仔糕

是自製的, 個人喜歡黃色多豆（不過忘記order多豆), 是暖暖軟綿的, 紅豆好腍, 不太甜, 完全是我喜歡的甜度.

鹹茶粿 - 眉豆蝦米餡

糯米皮又軟又煙韌, 皮比較厚, 是茶粿的特色, 而眉豆粉腍, 加上少量蝦米, 好美味!

鹹茶粿 - 菜脯蝦米餡

菜脯好爽脆, 比起眉豆, 有清爽嘅感覺, 正!

裏面有幾粒蝦米, 多了份油香味, 與菜脯原來好配.

大廚出馬

紅蘋果街市一樓嘅熟食市場居然有隱世美食.

今次想介紹嘅係皺皮腸粉, 每份腸粉都係即叩即蒸 (要等5分鐘, 而且只是早餐才有得食)

叫了义燒,蛋雙拼皺皮腸粉, 未加醬油前嘅餡料通透就知腸粉皮好薄 , 餡料好足(黃色的腸粉是因為蛋); 好大碟, 沒有街頭10元4條的腸粉嘅滑溜, 但加上香蔥, 芽菜和芝麻的點綴, 當然要配上美味醬油, 是另一種未曾試過嘅質感, 值得一試.

一冰廳

鮮粟米忌廉湯通粉

這個常餐有午餐肉鮮粟米忌廉湯通粉, 招牌炒蛋

湯底Creamy, 還有粟米和煎香過的午餐肉粒, 好有水準

炒蛋又香又滑

佢咃還有其他嘅美食, 例如咖哩蛋包飯配日式炸雞飯同樣出色

囍囍小食部

必食炸雞髀

有人說過這隻雞髀是全香港最好食的, 所以買來試試, 雞髀幾乎大過我塊面, 雞皮勁酥脆，一咬落去裏面嘅雞油漏晒出嚟, 而且價錢又平, 性價比高, 缺點係幾鹹.

豆漿王阿媽

一間只賣4款上海早餐食物, 開07:00-14:00, 就可以屹立土瓜灣多年嘅小店, 勁! (雖然聽聞王阿媽是有點燥底的, 但同佢傾兩句, 又覺得佢幾好人喎)

4款食物包括鹹/甜豆漿, 粢飯及窩貼

鹹豆漿

鹹豆漿有油條, 榨菜, 蔥花和鼓油, 一睇就知多料到爆, 食落有豆腐花嘅感覺, 不過鹹咗, 欣賞!

**王阿媽話做埋今年就唔會la, 大家想食, 就要快d去la.

HeySoNuts

Heysounts Breakfast

望落好豐富, 大磨菇好Juicy, 抄蛋幾滑, 煙肉香脆(是基本), 水果, 特別是菠蘿清甜, 整體唔錯

Slow Cooked Chicken Burger w/French Fries

好大份, 漢堡包邊有點脆, 慢煮雞扒有肉汁, 雞皮好香脆, 但味道偏淡, 不過與半溶芝士及其他配料幾夾. 

反而肥大肉厚嘅薯條外脆內軟, 好好味.

番茄湯

湯好"杰"身, 番茄味濃郁, 又開胃, 是很好的飯前湯

Dirty Souffle Pancake w/Caramel Banana 

自家製髒髒比利士朱古力醬日式梳乎厘鬆餅

這個一定要比like, 厘鬆餅好輕身, 空氣感十足, 有蛋香味, 而外圍嘅可可粉沒有甜味, 配上略甜嘅比利士朱古力醬, 再加上Oreo餅乾碎及焦糖香蕉作點綴, 一d都唔膩, 真係食多伴都得, 正! 是朱古力控必食嘅選擇.

食物質素是唔錯, 不過限用90分鐘 (由食物上枱開始計), 真係太趕了, 想Order多一份甜品都無時間, 這點可以改善一下.

其他：

永香冰室

是一間於1959年開業, 已經營超過半個世紀的冰室, 招牌食物是最普通的奶茶, 奶醬多,  窩蛋多士及鮮油多, 這就是冰室嘅特色吧!

來永香冰室不是追求食物質素, 只是想緬懷往昔美好的回憶.

(懷舊味道是不會有冷氣的)

香港美食- 千層蛋糕

香港美食今次題目係 - 千層蛋糕，特別是抹茶味，因我是一個不愛太甜的抹茶控

1) Lady M
Lady M嘅千層蛋糕都有一個特點, 就是比較甜. 如果喜歡甜的人應該會好喜歡 (我比較怕好甜嘅食物). 由抹茶開始食, 開心果, 玫瑰,原味, 還有一件法式芝士蛋糕.

抹茶千層蛋糕

用日本嘅高級抹茶粉加上淡奶油, 鋪上多於20層的純手工超薄班戟, 千層蛋糕得好平衡, Cream好細滑, 但抹茶甘香味有點淡, 可能被甜味蓋過了，對一個抹茶控來說, 真係有點可惜.

至於原味, 上面加上焦糖; 而玫瑰加上花瓣; 開心果雖然有碎粒開心果, 但蛋糕嘅開心果味不太重, 總體個人覺得千層蛋糕外型極吸引, D cream飛細滑, 手工非常好, 但美中不足就是真的太甜.

法式芝士蛋糕芝士味濃, 不過係非常甜

2) Lamlam脷

朱古力千層蛋糕

朱古力味算濃,蛋糕有16層, 每層嘅Cream也細滑, 整體都好, 偏甜, 口感入口即溶，因此層次感不足.

抹茶千層蛋糕

抹茶味濃而甘香, 不甜還有滿滿嘅回甘味, 對抹茶控來說是大滿足! 每啖香軟綿密, 雖然層次不分明, 但都好正!

焦糖牛乳千層蛋糕

焦糖牛乳就太甜, 可以不試!

3) Donki

北海道牛奶绿茶千層蛋糕&朱古力千層蛋糕

入口層次感分明, 朱古力味濃郁, 而綠茶有茶味, 不過不夠濃, Cream不算多, 所以不會很膩, 整體亦是偏甜.

4) Call me Chef

聽聞90後老闆是藍帶全級第一名畢業, 蛋糕全是Homemade的, 一定要試試了.

店舖設計以粉紅色為主, 好公主Feel, 令少女以致任何年齡層嘅女性都胃口大開:)

伯爵茶千層蛋糕

蛋糕是比其他店較高身, 而每層crepe都好薄，忌廉好均勻細滑, crepe&忌廉入口混為一體, 軟滑細膩, 之後滲出淡淡爵茶味, 甜度剛好, 高質!

其實佢地嘅主食質素都相當高, 蕃茄三文魚意粉嘅蕃茄汁好新鮮, 不像蕃茄膏的死甜, 有d在意大利食嘅感覺.(意大利嘅蕃茄意粉, 是我暫時食過最好食嘅意粉, 不過佢哋嘅意粉係前菜), 不愧為藍帶全級第一名畢業.

5) Holam Bakery

在Call me Chef的對面, 順便食埋la

抹茶流心千層蛋糕

Crepe比較厚, 口感明顯, 不過我喜歡這個感覺, 抺茶味濃郁, 有回甘味, 啖啖滿足, 抹茶控一定要試, 

6) Chateraise

來自山梨縣的Chateraise, 主打日本直送蛋糕甜品，招牌士多啤梨忌廉蛋糕, 還有千層蛋糕、芝士蛋糕、卷蛋等蛋糕款式.

所有甜點的原材料包括北海道牛奶，十勝紅豆等由日本契約的農家提供

宇治抹茶千層蛋糕

共有19層, 賣相不錯, 但食落無層次感, 口感亦不像千層蛋糕, 後面嘅crepe厚而硬, 底層是海綿蛋糕, 吃不到宇治抹茶味, 再加上紅豆, 幾甜; 不過是正常的, 因為在日本食嘅蛋糕通常都甜, 整體上可以不試.

不過公平點, 這店子最出名其實是士多啤梨忌廉蛋糕和脆皮朱古力蛋糕, 下次會試吓！

7) 7-Eleven

Oreo曲奇朱古力忌廉千層蛋糕

這是一個期限限定, 是嚴選日本原材料製成班戟皮, 加上香滑朱古力忌廉, 頂層是 OREO 曲奇碎

這件蛋糕嘅crepe好薄, 朱古力味道算濃厚, 雖然層次感不足, 但口感軟滑細膩, 面層的曲奇碎不像Oreo餅那樣甜. 甜度是剛好的. 蛋糕是細細件, 但這個價錢, 都是抵食.

**抺茶千層蛋糕的暫時總結: 喜歡甜的, 一定會揀Lady M, 如好像我怕甜的 (比較奇怪, 又要食甜品, 又怕甜) 會選Lamlamli 和 Holam Bakery. 不過下次會試call me Chef嘅抹茶味，相信不錯，到時再update大家.

香港美食 - 土瓜灣 Part 1

 今次介紹土瓜灣隱世或性價比高嘅美食

呼吸星球 (高質之選)

雜莓果手工雪糕伴自家麻糬窩夫

整份窩夫十分精緻: 首先strawberry ice-cream上面再淋上士多啤梨果醬, 雪糕甜度適中, 旁邊有雜莓&cream, 窩夫面層有些少許沙糖作點綴, 加上精細嘅士多啤梨肉粒, 窩夫食落仍然脆口, 裡面有黑糖麻糬, 口感豐富, 不錯.

Pluto (Mint Latte)

朋友說重薄荷味, Latte就一般

 Deluxe Chocolate

賣相與味道一致, 好濃郁朱古力味, 雖然是凍的, 但冰好少, 令原有味道不會流失, 上面有些可可粉加強口感, 朱古力控一定鍾意.

一間去完會記得嘅cafe, 值得推薦.

世紀士多 (高質&抵食之選)

鮮榨椰汁

你會見到店主即場砍開椰子, 即榨成汁

我覺得這是全世界最好飲嘅椰子汁, 尤其在炎炎夏日, 凍冰冰嘅椰汁, 好爽! 這是我由細飲到大的飲品!

冰涼嘅椰汁, 非常"杰"身, 飲落去有超豐富嘅椰子味, 極新鮮! 飲完一杯, 一世都離不開這小店了, 原來世紀士多嘅名是這樣來的.

譽麵坊 (高質之選)

每晚都有人在外面等位, 加上行過一定香噴噴, 好吸引, 原來土瓜灣街頭巷尾無人不識, 又一間隱世小店, 所以決定一試 

南乳雞球

外層炸得好香脆但內層仍好juicy, 雞是用南乳醃的, 味道好香, 外面傳來的香味就是由這種味, 都正常, 因為每台客人都必定Order這炸雞, 你就會知有幾好食.

豬手牛筋撈粗

牛筋都好冧好入味, 好膠質, 出色, 粗麵個汁甜甜哋, 配合豬手牛筋, 好得. 而豬手其實都唔錯, 不過對比起牛筋就失色了.

蝦記麵廠 (抵食之選)

蝦記麵廠已經有50年歷史, 是土瓜灣嘅老字號店舖, 有人說過這裡可以買到全香港最好味嘅蝦子麵. (我未試過, 因對蝦子麵興趣不大). 

除了多款出名嘅蝦子麵, 亦有全蛋麵, 魚蓉麵, 菠菜麵...也有燒賣, 腸粉, 粉果等小食, 係好多土瓜灣人由細食到大的, 

腸粉

有好多人話佢嘅腸粉重米味, 我覺得腸粉算滑, 好鍾意佢哋嘅醬汁, 甜豉油及麻醬味道剛好, 不會過鹹或過甜. (有些腸粉食完會好口喝)

上海美華菜館 (高質之選)

是一間老店, 食品全是正宗老上海菜式, 包括咸豆槳, 粢飯, 厚蔥油餅, 炸銀絲卷, 油豆腐粉絲湯...

這裡的招牌菜是正宗上海早餐

蔥油厚餅

這個厚蔥油餅真係好少地方有得食

(以前小時候經常食土瓜灣道嘅"貴記", 又平又好食, 可惜已結業多年)

香蔥味濃, 厚度適中, 口感十足, 可惜幾油, 澱粉質較多, 食落都幾膩

蔥油薄餅

薄的軟糯煙韌，油份比厚的還多, 但因份量比較細, 食晒到唔油膩, 反而口腔滿滿蔥油香味, 質感比厚的好.

鍋貼

傳統嘅上海鍋貼一定是皮厚的, 你可以見到, 皮的表面仍是濕潤的, 裡面有肉汁, 這就是傳統的味道了

不要看外面像蒸鍋貼, 就是因為皮厚, 這樣就可將皮底煎得更加脆香!

粢飯

飯團糯米煙韌, 餡料十足, 油炸鬼是脆口的, 加上甜甜哋嘅炸菜及肉鬆, 口感豐富!

總括來說, 食物水準是好幾好的, 但老闆嘅服務態度就...(反而員工態度比老闆好). 與一些親切嘅店舖老闆相比, 令食客有天壤之別嘅感覺, 有時出街食飯, 唔單只食食物質素, 食得開心反而係最重要的.

耀成茶餐廳 (可以一試)

入到茶餐廳嘅覺得老闆非常親切, 有禮貌, 與食客有傾有講, 亦有賓至如歸嘅感覺, 好舒服!

而招牌食物, 就是沙爹牛肉撈通, 雖然是好普通嘅食物, 但又真的未試過這樣食, 所以要試吓

個人覺得撈通比湯通更好味(尤其夏天)，因沙嗲不會被湯溝淡, 令人覺得沙嗲汁更杰身, 味道更濃; 牛肉頗多, 好腍, 欣賞！

垣記雞蛋卷 (高質之選)

垣記已有五十多年歷史, 只是售買雞蛋卷和鳳凰卷, 蛋卷都是全手工製作, 堅持以明火(慢火)煎烘蛋卷, 佢哋話效果更香脆.

星期六14:30去到, 居然全部沽清, 老闆說今朝12點已經售罄, 叫我下次早點來, 但他是開11時的, 太誇張了！

不過之前已經食過, 印象中佢哋嘅雞蛋卷鬆脆, 而味道偏甜. 

星期日13:30再去到, 結果真的售罄, 如果想買, 真係要早點了.

楊成美食 (抵食之選)

是另一間賣糕點的小店, 有黑/白芝麻糕, 馬蹄糕, 紅豆糕, 桂花糕...及客家糕點雞屎藤和艾果, 價錢平易, 佢哋嘅包點, 豆漿及豆腐花是好多人買的.

因未食過雞屎藤和艾果, 因雞屎藤已售罄, 就買了艾果試吓.

艾果

全名是艾葉米果, 一般是清明節吃, 所以又稱清明果. 葉子表面是綠色的, 有獨特香氣 (像跌打酒味).

這艾果外層糯軟, 裡面是花生和椰蓉, 有D甜, 可能是中和艾草嘅跌打酒味, 雖然外表一點也不吸引, 但比我想像中好食得多. (可能因為綠色, 幻想味道似吃草)

佢哋D糕點, 包點, 豆漿及豆腐花在晚上7點前都差不多賣晒, 所以應有一定水準, 而性價比高.

珍寶豆漿餃子 (高質&抵食之選)

就在豆漿王阿媽對面, 是地方細細的小店, 開了大概數年.

韭菜豬肉餃

即叫即煎，大概要等5分鐘，煎到金黃色，非常香口，皮薄餡料十足，感覺上豬肉比韭菜還多，不過仍然很香韭菜味，好juicy, 調味亦剛好，唔錯。

（在等候時，有好多人買生的餃子回家）

永豐食品 (抵食之選)

永豐食品有自己的工場, 主要是做批發及零售.

零售方面除咗各款丸類外, 還有即食魚肉燒賣, 豬肉燒賣, 牛肉及魚蛋, 每款價錢相當便宜

豬肉燒賣和魚肉燒賣

真的好大粒, 而且居然是$1一粒.(這張相的燒賣是未加豉油的, 所以賣相未夠吸引)

豬肉燒賣有香菇粒, 肉質有豬味, 但未有彈牙, 不過1元1粒都已經超晒值. 而魚肉燒賣亦有魚肉味, 不過應該加了粉, 但仍抵食.

興興餃子館 (高質&抵食之選)

牛肉饀餅

當我order牛肉餡餅時, 店生拿出已經揉好的麵粉糰出來, 開始用麵棍把麵粉糰壓成餅皮, 再去雪櫃拿出預先準備好的牛肉餡料放在餅平上, 好有心機地做好了整個牛肉餡餅, 攞去慢煎, 店主說要慢慢煎才好吃, 不能急, 整個餡餅亦不能預先做定, 因質素會不好. 全個過程大槪20分鐘.

太認真了. 冇想過一間小小的店子, 做食物會如此認真.

剛做好的餡餅，上下餅皮也煎得非常香脆，香噴噴的拿出來, 未食都已經滿分了.

外層香脆, 皮是比較厚的, 因為這樣厚才能煎得兩面都香脆無比，而裏面不算是爆餡, 但很Juice, 瀑汁的 (好在不是現場食, 否則一定燙口), 牛肉加上洋葱用了香料腌製，好好味，整體非常高質.

好一間不起眼的北方餃子小店, 製作認真, 從不馬虎, 令我好想試其他食物, 例如各款餃子, 蒜泥白肉, 南瓜煎餅, 雞絲拌麵,炸醬麵, 涼拌大拉皮, 涼拌土豆絲, 蔥油餅, 自家製豆漿...

下次一定再試, 不過都係帶走, 因小店冷氣不足, 而且真的很小.

*********

因土瓜灣實在太多美食, 所以好快會有Part 2, 會更精彩:)