香港美食 - 朱古力甜品 (1)

 好鍾意食蛋糕/甜品, 特別係朱古力味, 所以作為一個朱古力控，想做一個以朱古力為主題嘅BLOG.

1) 品穀 Big Grains Bakery (荃灣)

可可泥土 

表面完全唔出眾, 極為普通, 如果無上網睇過, 應該唔會買這個包

食落個包非常鬆軟, 鋪在上層的泥土(可可粉)一面食, 一面跌在桌上, 就像骯骯包的有點骯髒, 裏面有很多小小溶溶咃嘅黑朱古力粒(如想再溶D, 可以叫店員加熱), 口腔全是香濃嘅朱古力味. 因為是用黑朱古力做麵包, 所以不會甜,  幾好味.

2)  Yes Buy (荃灣)

Oreo流心朱古力古早咪蛋糕

蛋糕放了在雪櫃一日，但仍超軟綿綿的，本身蛋糕唔甜，只是中間的Oreo流心朱古力頗甜，互相配合下，甜度剛好，而且好平, 抵食, 正!

3) 四喜麵包西餅 (荔枝角)

花生朱古力

很傳統的甜品，花生很香脆，有點甜的。

朱古力大福

非常新鮮，糯米皮很薄，軟糯綿綿，裡面有朱古力cream&朱古力海綿蛋糕，朱古力味不算很濃，有點甜，不過整體好好味，可以試吓

朱古力曲奇

朱古力粒有甜味，但曲奇是無甜味的，只有朱古力味，個人覺得好好味，而且曲奇極鬆化 (拎到返屋企, 有D不只碎了, 而且變了朱古力粉)，沒有失望，真心推介 (不過是頗乾身的, 如果唔鍾意食水泡餅感覺的人, 就唔好試了)

4) 理想餅店 (新蒲崗)

朱古力軟心包

買了後店員要再加入朱古力醬才給我, 一咬, D牛奶味朱古力醬爆哂出嚟, 好正, 可惜甜咗D, 如果是黑朱古力醬就完美了.

朱古力戚風蛋糕

其實這張相才是正面，面層有黑朱古力粒，雖然放了一日，海棉蛋糕仍然非常軟熟，唔算甜，又抵食, 推介

5) 享樂烘焙 (新蒲崗)

黑眼豆豆

這個包細細個, 只賣$6, 好抵, 朱古力醬份量適中, 味道香濃, 但偏甜, 不過勝在細個, 不會太膩.

6) 囍源古早蛋糕 (深水埗)

特級骯髒朱古力味

在盒上寫明低糖少油，純精選食材無添加。

食落去軟綿綿，比一般蛋糕濕潤，唔會有乾身嘅感覺，睇返原來是用了隔水烘爐的方法來做的，所以蛋糕有濕潤嘅感覺。

蛋糕本身唔甜卻有朱古力味，而甜味全靠中間的朱古力醬，感覺上好健康，又一真心推介！

7) 八月堂 (荃灣)

是朋友介紹這個朱古力牛⻆包, 所以就買下來

朱古力可頌

牛角包外表看來很香脆

外層酥脆極有層次，內層柔軟，朱古力醬不斷流出，食到牛油香味，唔甜亦不膩，這個朱古力可頌，相當有水準, 口感極為豐富, 可以說是滿分.

8) 古珐蛋糕 (九龍城)

標明零香精, 零色素, 零防腐劑, 而且蛋糕冷藏後可保存3日.

朱古力蛋糕

蛋糕好鬆軟, 朱古力味不算濃, 不過有溶溶哋嘅朱古力粒, 增加了口感, 蛋味好香, 不甜, 感覺上食多D都可以, 一樣出色！

9) A1-Bakery

Godiva焗巧克力芝士蛋糕

是期間限定的, 外型已經相當吸引

上層是來自日本和意大利的醇滑香濃可可粉, 甜中帶苦; 底層是香脆朱古力曲奇餅底, 層次感豐富. 

睇到佢咁結實, 就知有芝士蛋糕嘅口感, 不過芝士味就唔多食得出, 因被超濃郁嘅朱古力味蓋過了, 真係好正, 有100分, 這個蛋糕是一定要試.

朱古力牛角酥

外層加了朱古力粒, 裡面是朱古力醬, 朱古力味濃, 不過就頗油, 而且麵包質感有點硬, 與八月堂完全唔同級數.

10) 7-Eleven

Oreo曲奇朱古力忌廉千層蛋糕

這是一個期限限定, 是嚴選日本原材料製成班戟皮, 加上香滑朱古力忌廉, 頂層是 OREO 曲奇碎

這件蛋糕嘅crepe好薄, 朱古力味道算濃厚, 雖然層次感不足, 但口感軟滑細膩, 面層的曲奇碎不像Oreo餅那樣甜. 甜度是剛好的. 蛋糕是細細件, 但這個價錢, 都是抵食

Oreo蛋卷

比千層蛋糕甜, cream比較多, 一般la, 可以接受.

11) 聖安娜餅店

至脆比利時朱古力冰皮月餅

比利時朱古力香濃幼滑, 中間嘅脆脆真係好脆, 雖然幾甜, 不過整個配搭不錯, 好食.

12) The One Bakery (尖沙咀)

路過這餅店, 好似好吸引, 就入去買了兩件蛋糕

朱古力卷

入口非常鬆軟, 朱古力味香, 是少甜的, 奶油亦不算多, 值得一試.

小杯朱古力蛋糕

蛋糕仔一定沒有卷蛋那麼軟熟, 但都好味, 朱古力味幾濃, 還有少許朱古力粒, 以$6的價錢來說是好的.

估唔到隨便入一間麵包店, 水準都不錯, 下次會再試朱古力酥.

健康之選

紅車厘麵包西餅 (紅磡)

這間店子的黑森林切餅是被抨為最低糖蛋糕, 每件66g的切餅含糖量只有2.2g

是好傳統嘅蛋糕, 奶油部份比較多, 加了傳統風味嘅啫喱, 比古早蛋糕甜, 但只賣$12, 好抵. 如有喜歡傳統蛋糕, 不妨試吓.

東京麵包餅食

黑森林切餅嘅糖含量只有4g

車輪餅小姐 (美孚)

其實這間店子嘅千層蛋糕好出名, 而特濃阿華田千層蛋糕嘅糖含量只有5.3g, 有興趣可以一試.

iHerb

Chocolate bar

這是在iHerb買的Chocolate Bar, 是dark cholocate, nuts & sea salt味

一條只有6g糖, Chocolate Bar來說不甜了, 朱古力味唔太出, 海鹽就唔係好食得出, 有好多nuts, 最好放在公司, 又可以醫肚, 又健康.

總結:

朱古力控必食之選:

A1 Bakery - Godiva焗巧克力芝士蛋糕

八月堂- 朱古力可頌

囍源古早蛋糕

古珐蛋糕

個人最念念不忘之選:

四喜- 朱古力曲奇

抵食又好食之選:

買得爽- Oreo流心朱古力古早咪蛋糕 HKD13

理想餅店- 朱古力戚風蛋糕 HKD18

如大家有唔甜嘅朱古力甜品推介，請話我知!!

香港美食 - 葵涌廣場

 今日去咗葵涌廣場

1) 屯の大阪章魚燒

松葉蟹皇蟹羔章魚燒

蟹膏滿溢, 味超濃, 而每粒章魚燒裏面有一粒大章魚, 還有好多木魚, 好味！

店主好细心, 會提醒要小心食, 因為真的很熱, 會燙嘴！加份！

超濃黑松露章魚燒

同樣超多醬汁, 所以黑松露味真的很香濃, 外層燒到好香口, 正！

2) 迷日食堂

係一間日本小食店, 店鋪由日本人親自主理, 而且食材是來自日本的, 味道一定地道正宗！

串燒丸子

丸子塗了甜醬油, 可能食時是熱的, 所以不是想像中的煙韌, 但很軟糯, 所以朋友覺得一般, 但我喜歡它的軟糯綿綿的感覺.

和牛薯彈

就像日本的可樂餅, 即叫即炸, 外面好酥脆, 和牛粒味不重, 但混了薯仔及北海道洋蔥一起炸, 好味, 有機會要試吓！

3) 刈Bao台式創意小食古

古早味腩肉刈包

腩肉甘香, 肥廋均勻, 唔油膩, 刈包餅皮超軟熟, 加上配菜, 食落甜甜咃, 出色！

4) 呦呦鹿鳴布丁燒

Earl Grey 布丁燒

布丁燒分三層: 面層是不甜的焦糖, 中間是伯爵茶布丁, 底層是芝士蛋糕, 布丁好重蛋香味，亦有伯爵茶味，非常滑溜，食完後才知道原來是少糖配方的. 

總括來說真心好味, 不過一件小小的布丁頗貴

5) 酥酥

焦糖燉蛋酥酥Croffle

是牛角包質感的Waffle, 是韓國近期熱門小食. 這件croffle本身無咩甜味, 極酥脆, 配上甜的焦糖燉蛋, 非常夾, 燉蛋好滑, 這個都一定要食.

6) 不toast不快

流心芝蛋拉絲吐司

流心雖然感覺不大, 但有拉絲效果, 麵包塗上甜甜的糖霜, 加上蛋王醬和茄汁, 再配上清新的椰菜絲一齊食.口感香脆, 即使食到最底只有麵包, 仍覺得很好味, 有點像韓國吐司店Isaac, 超正！

7) 鳩戟

芝士奶蓋朱古力格格脆梳乎厘班戟

好輕身的疏乎厘, 食到蛋香味, 入口即溶, 雖然很飽, 所以只買了一層, 但其實食多件都仲得, 是高質的疏乎厘, 個人覺得好過在日本食嘅pancake, 配埋軟雪糕一齊食, 是必食推介,

8) 慧食貓

蟹柳手抓餅

薄薄香脆的手抓餅, 但沒有層次感, 有點像蔥油餅, 不是好出色, 只是一般, 不過勝在唔貴, 可以一試.

9) 芝士叔叔

聽閒是前酒店大廚開的.

大蝦帶子忌廉茄汁通

通粉本身好煙韌, 而醬汁方面, 茄汁是混合了芝士的, 芝士味道香濃, 不是普通餐廳食到的那款,. 面頭再鋪上一層芝士粉, 非常出色, 完全顯出大廚的水準, 超級推介

10) Attitude

鹽燒法國鵝肝&骰仔牛舌心

鵝肝有水準, 牛舌心味道好, 但頗韌.

11) 味之樂

傳統鹵味八爪魚&生腸

是一般出邊吃到的那種, 不過不失.

豬皮

超爽脆, 沒有淋淋的感覺, 配合辣汁, 非常好味, 推介!

總結來到葵廣掃街真的大滿足, 有幾款食物非常值得推介比大家, 包括:

-古早味腩肉刈包

-焦糖燉蛋酥酥Croffle

-流心芝蛋拉絲吐司

-梳乎厘班戟

-大蝦帶子忌廉茄汁通

-味之樂嘅豬皮

另外, 章魚燒和布丁燒也很不錯. 而迷日食堂的食材來自日本, 好地道, 無得去日本, 唯有食住先.

香港美食 - 紅磡

 今次去了紅磡覓食

1) 時新漢堡飽

時新是小時候的回憶. 港式漢堡飽的代表, 覺得好過M記100,000倍, 所以時新漢堡飽一定係紅磡嘅Signature.

單層漢堡芝士蛋包

厚厚嘅牛肉漢堡不像M記的死實, 幾嫩滑鬆軟的, 肉汁Juicy, 配上芝士塊, 煎蛋和沙律醬, 值得推薦.

2) 林記小食

一間在紅磡好出名嘅民間小食, 最多人食的係腸粉, 魚蛋和燒, 今次就一次過食晒.

腸粉, 魚蛋和魚肉燒賣

魚蛋是頗結實的, 不會混合太多麵粉, 有魚味, 是我最喜愛的那種, 加埋個甜甜哋嘅醬汁, 好正. 

魚肉燒賣細細粒, 魚肉味十足, 而且結實彈牙, 無得輸.

腸粉極滑, 配上麻醬, 甜醬, 豉油和白芝麻, 就是可以令每個香港人大滿足的地道美食.

相信這碟香港地道街頭小食一定會令移民了的朋友垂涎三尺.

3) 紅磡雞蛋仔

又一間出名民間小食, 不過紅磡雞蛋仔出名的竟不是雞蛋仔, 芒果班戟才是名物.

芒果班戟

班戟皮好有蛋香味, 軟而厚身, 加了少少沙律醬, 配上超甜大大粒芒果, 食過就會明白點解芒果班戟是紅磡雞蛋仔的名物. (個人覺得沙律醬可加可唔加，因為加了沙律醬會有點膩，唔加會更清新, 加了就多一份層次感)

4) Sweet Craft

開了才兩年多的小店, 個名就可以在紅磡響噹噹, 一定要試吓la.

抺茶紅豆粉雪冰

外型吸引, 面層係紅豆蓉, 奶蓋和抹茶厥餅, 紅豆蓉頗甜, 不過混合了厥餅一齊食就剛好, 中間是錦錦冰, 炎熱嘅夏日好正, 而底層係抹茶布甸. 整杯雪冰層次極豐富, 每一層都有驚喜, 而且好滿足, 推薦！

5) 煎餅廚房

香港食北京傳統煎餅嘅地方不多, 記得剛開時是大排長龍, 所以未有試過, 現在可以一試了.

北京烤鴨煎餅

一塊沾上白芝麻的餅皮, 揩好後就是厚厚而有層次感的餅皮, 有蛋香味, 軟淋淋的, 餡料十足, 除了烤鴨絲外, 還有京蔥絲, 青瓜, 加上薄脆, 再配上醬汁, 就是一份爆晒餡, 熱騰騰的煎餅了. 食落口感新鮮而豐富, 唔油膩, 是一份極品.

6） 阿里山Alisan Bakery

在Openrice選擇麵包店的排名頗高, 所以想試吓.

原味蛋糕

蛋糕非常鬆軟，見到金黃色就知蛋香味十足，沒有空氣感，而且晚上特價，好抵食.