香港Cafe - 齋啡 Vego Coffee

齋啡 Vego Coffee位於尖沙咀, 是一間供應自家製輕食, 無奶的全素cafe.

小店感覺寧靜, 每次行過, 都好想衝入去, 今日真係可以試吓la.

裝修以白色及木系為主, 文青小店, 感覺舒適自然.

還有好多好靚嘅打咭位

竟然有意想不到的鞦韆, 不個只能坐, 不能搖, 否則......自己諗

我咃嘅健康美食來了

純素三文魚, 吞拿魚牛油果沙律碗

Ｖegan Salmon, Tuna and Avocado Salad Bowl

三文魚好似魚肉, 吞拿魚一般, 還有羽衣甘藍, 日式海草, 紫菜等等. 好健康又豐富, 配上微酸嘅沙律, 真係好Fresh.

牛油果及無花果, 鷹咀豆醬酸種麵包

Avocado and Fig, Hummus Sourdough

這個同樣有fresh嘅感覺, 不過牛油果配無花果好似太清淡, 有些鷹咀豆感覺好好多, 如果多加點醬汁可能會更好.

這是一間值得去hea嘅coffee shop, 因佢哋好有心思地設計好多打咭位, 都預你hea la, 無人會趕你走 (Order食物是在隔隔離舖位, 這舖位是沒有店員的), 你想座幾耐, 點影都得. 我哋留了大概兩小時, 所以喜歡打咭, 影相, 素食及生酮朋友就可以試吓la.

香港cafe - HeySoNuts

HeySoNuts位於土瓜灣, 是一間高質cafe, 尤其甜品特別出色.

Heysounts Breakfast

望落好豐富, 大磨菇好Juicy, 抄蛋幾滑, 煙肉香脆(是基本), 水果, 特別是菠蘿清甜, 整體唔錯

Slow Cooked Chicken Burger w/French Fries

好大份, 漢堡包邊有點脆, 慢煮雞扒有肉汁, 雞皮好香脆, 但味道偏淡, 不過與半溶芝士及其他配料幾夾. 

反而肥大肉厚嘅薯條外脆內軟, 好好味.

番茄湯

湯好"杰"身, 番茄味濃郁, 又開胃, 是很好的飯前湯

Dirty Souffle Pancake w/Caramel Banana 

自家製髒髒比利士朱古力醬日式梳乎厘鬆餅

這個一定要比like, 厘鬆餅好輕身, 空氣感十足, 有蛋香味, 而外圍嘅可可粉沒有甜味, 配上略甜嘅比利士朱古力醬, 再加上Oreo餅乾碎及焦糖香蕉作點綴, 一d都唔膩, 真係食多伴都得, 正! 是朱古力控必食嘅選擇.

食物質素是唔錯, 不過限用90分鐘 (由食物上枱開始計), 真係太趕了, 想Order多一份甜品都無時間, 這點可以改善一下.

香港景點 - 土瓜灣牛棚藝術村

今日重陽節, 沒有登高, 不過去了土瓜灣牛棚藝術村, 也是充實的.

歷史

牛棚建於1908年, 是本港碩果僅存的戰前屠宰場, 當年牛隻從船隻運至碼頭, 被工人趕進牛棚屠宰, 當時周遭臭氣熏天, 直至1999年上水屠房啟用, 檢疫站才正式關閉.

2001年政府為重置北角油街藝術村的本地藝術家, 修復馬頭角牲畜檢疫站, 改名牛棚藝術村.

2009年牛棚獲古物諮詢委員會評為二級歷史建築.

因此好值得去看看

牛棚介紹

特色红磚平房具20世纪初西方市埸的布局, 這是牛棚最大的特色.

出面就是十三街
 

裡面經常有各種展覽及工作坊舉辦.

今日就有一個展覽, 入去睇la

香港cafe - 呼吸星球

土瓜灣有一間特色Cafe - 呼吸星球

是一間懷舊Cafe

美食未到, 就把握時間影吓相

以前嘅郵筒

佈置方面, 有好多懷舊嘅原素

加上室外嘅彩光, 好正!

雜莓果手工雪糕伴自家麻糬窩夫

整份窩夫十分精緻: 首先strawberry ice-cream上面再淋上士多啤梨果醬, 雪糕甜度適中, 旁邊有雜莓&cream, 窩夫面層有些少許沙糖作點綴, 加上精細嘅士多啤梨肉粒, 窩夫食落仍然脆口, 裡面有黑糖麻糬, 口感豐富, 不錯.

Pluto (Mint Latte)

朋友說重薄荷味, Latte就一般

 Deluxe Chocolate

賣相與味道一致, 好濃郁朱古力味, 雖然是凍的, 但冰好少, 令原有味道不會流失, 上面有些可可粉加強口感, 朱古力控一定鍾意.

一間去完會記得嘅cafe, 值得推薦.

 

 

香港美食 - 朱古力甜品 (2)

Glory Bakery (尖沙咀)

這間曲奇店好似幾出名, 所以買了一包試吓

碎朱古力曲奇

店員說是無添加手工曲奇, 所以只可以放存7天.

口感鬆化, 朱古力味出, 而每塊大概有少於2g糖, 略甜, 但整體都唔錯, 加上無添加, 又係香港製造, 就一定要支持吓la. 

佢哋有好多味, 喜歡鹹的, 可以試吓蛋黃味, 又有盒裝, 可以送禮用

Bread talk (尖沙咀)

朱古力雲石蛋糕

蛋糕非常軟綿滑溜的, 薄薄嘅cream感覺非常新鮮, 好味, 可以一試

朱古力鬆餅

雖然有朱古力粒, 但味道未算濃郁, 而鬆餅好在不太乾身, OK.

呼吸星球 (土瓜灣)

Deluxe Chocolate

賣相與味道一致, 好濃郁朱古力味, 雖然是凍的, 但冰好少, 令原有味道不會流失, 上面有些可可粉加強口感, 朱古力控一定鍾意.

HeySoNuts (土瓜灣)

Dirty Souffle Pancake w/Caramel Banana 

自家製髒髒比利士朱古力醬日式梳乎厘鬆餅

這個一定要比like, 厘鬆餅好輕身, 空氣感十足, 有蛋香味, 而外圍嘅可可粉沒有甜味, 配上略甜嘅比利士朱古力醬, 再加上Oreo餅乾碎及焦糖香蕉作點綴, 一d都唔膩, 真係食多伴都得, 正! 是朱古力控必食嘅選擇.

Godiva

一見到想中嘅軟雪糕激吸引，就忍唔住衝入去買咗

黑朱古力軟雪糕

朱古力味非常濃郁, 甜度如果可以再苦D會更好, 雪糕好軟滑, 脆筒脆口, 幾滿足, 不過如果可以多一圈會值D，話晒都要$50一杯.

鳩戟 (葵涌廣場)

芝士奶蓋朱古力格格脆梳乎厘班戟

好輕身的疏乎厘, 食到蛋香味, 入口即溶, 雖然很飽, 所以只買了一層, 但其實食多件都仲得, 是高質的疏乎厘, 個人覺得好過在日本食嘅pancake, 配埋軟雪糕一齊食, 是必食推介,

北海道麵包店 (新蒲崗)

因想食蛋糕, 行過見到這餅店, 就入去睇吓

特濃朱古力蛋糕

外表相當唔吸引, 好像很乾身, 但食落幾鬆軟,唔乾, 有些朱古力粒, 亦有濃郁嘅朱古力味, 平平咃可以試吓.

7-Eleven

特濃朱古力軟雪糕

朱古力味濃, 甜算甜, 以性價比(HKD8), 一定好過Godiva

甜麥麥麵包西餅 (紅磡)

朱古力蛋卷

正正常常嘅蛋糕, 但只是$5, 仲要加厚的, 又唔算甜(可能要降低成本, 唔用咁多沙糖), 真係無可能唔食